الاسئلة الشائعة اسك ثمة حل

1/كيف اتخلص من الخجل ؟
الخجل امر طبيعي اذا كان ما يسبب لك مشاكل ، لكن اذا ارتفعت نسبة الخجل عندك معناته لازم تعالجينه معالجه ذاتيه بكذا طريقه
الاولى : المعالجه بالغمر ، يعني انك تواجهين الشيء اللي يسبب لك الحياء وتحاولين تحطين نفسك بموقف ايجابي بحيث مايسبب لك احراج او غيره أختصاراً اول نقطه لعلاج الخجل هي “المواجهه” بمعنى انك تواجهين المواقف كذا مره لحد ماينكسر حاجز الخجل ..
المحور الثاني : تقدرين تخففين من الخجل بشكل كبير من خلال انك تتظاهرين بالجرأه وانك تعتقدين بأنك قادره على ان تكون ردات فعلك طبيعيه ومع مرور الوقت يبدأ التظاهر يسلك العادات الطبيعيه للشخص
ثالثاً : فيه كتاب للمؤلف زيمباردو يتكلم عن الخجل وعلاجه بطريقه ذاتيه ، يمكن تحميله اونلاين❤️

2/كيف اتأقلم مع حياتي الجامعيه؟
هِنا التأقلم يكون مع التعود والانسجام ، تبدأ تحفز نفسها انها اصبحت جامعيه ونظام غير تبدأ تعرف الانظمه كيف تمشي وتقنع نفسها ان لكل مرحله لها مميزاتها اللي تميزها ومع الوقت بإذن الله راح تتأقلم وتتعود.

3/ ماهو الإرشاد الاكاديمي :
هو اشبه مايكون بالملاحظات او النصائح الاكاديميه اللي تخص امور الطالبه الجامعيه مثل الجداول ، الاعتذار ، التحويل وغيره
يكون لكل طالبه مرشده اكاديميه ترجع لها وقت ماتحتاج بحيث انها تمدها بالخبره اللي تفيدها من ناحية امورها الجامعيه وتساعدها في تخطي المشكلات اللي ممكن تطلع لها خلال مسيرتها الدراسيه.

4/ كيف ارفع معدلي ؟
ابرز النقاط اللي ممكن انها تساعد في رفع المعدل:
١- اهم نقطه التوكل على الله في كل الامور
٢- وضع هدف تسعين لتحقيقه وتتعبين عشان توصلين له مهما واجهك من متاعب وعقبات
٣- التركيز وقت القاء المحاضره مفيده جداً وتدوين النقاط المهمه في كل محاضره
٤- فهم طريقة اسئلة الاستاذ ، يعني وقت الشرح ممكن نستنتج عنها انها تحب مثلا التعريفات ف نركز عليها اكثر
٥- الاستعداد للاختبار بيومين سابقه بحيث يكون ليلة الاختبار مراجعه وتثبيت معلومات اكثر
٦- الثقه بالنفس وبالآداء والايحاء بأن ذاتك قادره على تحقيق اعلى قدر ممكن من الدرجات
٧- آخراً استودعي الله مستواك وتقديمك لإختبارك مع المحافظه يومياً على الاذكار وصلاة الفجر في وقتها..
كوني مع الله يكون معك في اشد احتياجك ، بعد كذا لازم الاسترخاء ووقت الراحه يكون من ضمن خطتك بمعنى اصح لا تجهدين نفسك

5/كيف أنظم وقتي؟

تنظيم الوقت مهم لانه نقدر فيه ننجز الاهداف والمهام بالوقت المناسب وتخفف لنا من ضغوط الحياة وتطور بذاتنا  اهم نقطه تسوينها انك تجيبين ورقه وقلم وتسجلين مهامك اليوميه او الاسبوعيه وتكتبين فيها
١- اهم شي لازم تسوينه ٢- قسميها حسب اهميتها ٣- سجلي كل مهمه كم راح تأخذ منك من ناحية الوقت ٤- خلي عندك مهارة تقدير الوقت مثلا لو شغله تاخذ خمس دقايق حاولي تخلصينها بوقتها المحدد بدون مماطله فيها . ٥- خلي لنفسك وقت تستمتعين فيه وتسوين الاشياء اللي تحبينها .

6/كيف اقدر أوفق بين حياتي الجامعية وحياتي الزوجيه

واهم شي انك ترتبين وقتك يعني لاتراكمين شغل البيت عليك وحاولي تخصصين وقت يكون للمذاكرة ويكون هالوقت البيت شبه هادئ بحيث أنك تقدرين تخلصين المذاكرة بدون ما أحد يزعجك الطبخ ممكن تسوين الاكل اللي يتحضر من الليل واليوم الثاني بس ينحط في الفرن … او اذا خلصت الطباخات اللي تحتاج تتبيل من الليل سوي اكلات سهله وممكن أنها ماتاخذ وقتك يعني تقدرين اول ماترجعين من الجامعه تسوينها اما بالنسبة لشغل البيت والتنظيف فهذا يعتمد عليكم انتو الاثنين يعني اللي ياكل يشيل الاكل على طول ويحطه في المطبخ واذا سهل الغسيل نفس كوب ماي او عصير ينغسل على طول ويرجع مكانه  المطبخ حاولي ماتطلعين منه الا وهو نظيف يعني لازم يكون تعاون بينكم الموضوع اكثر شي يحتاج قوة اراده وضبط الوقت .. يمكن راح تحسين  بشوية تعب لكن بتحسين حلاوة هالتعب لما تشوفين زوجك راضي ومرتاح وحياتك ودراستك كلها كويسه وماشيه مثل ماتبغين واكثر … ❤

الإعلان