السلام عليكم ورحمه الله وبركاته .
اول يوم داومت فيه كنت مره خايفه عشان الانقلش شايله هم كيف بفهم التيتشر وكيف بكون تعامل التيتشر بس الحمدالله من اول محاظر كانت التيتشر متعاونه معنا حتى بالماث والتربيه الصحيه والحاسب والمهارات كل تيتشر طبعاً لها اسلوبها بس الحمدالله كلهم متعاونات مع الطالبات ، بس اهم شي تحضرين المحاظرات ، ولان في كل محاظره شي مهم لازم تركزين وتتابعين كل شي مع التيتشر و اي شيء ماتفهمينه اسالي التيتشر او البنات اللي مع بالكلاس والكل بساعدك ان شاء الله ، ولا تهتمين للبنات اللي يقولون صعب او مستحيل انجح في الماده لا اهم شي احضري كل محاظراتك وركزي مع التيتشر وان شاء الله كل شي تمام ، بعد لا تتاثرين باللي حولك وحطي في بالك التخصص اللي تبينه عشان تجيبين معدل عالي وتدخلينه اهم شيء يكون عندك طموح عشان توصلين والله يوفق الجميع ، وبعد تاكدي ان الجامعه مو مثل الثنوي لا الجامعه حياه ثانيه تعلمك كيفية الاعتماد على النفس و تنظيم الوقت بتعلمك اشياء كثير.
والله يوفق الجميع ان شاء الله 💜💜.
نوف العمودي
Month: جانفي 1970
تجربة رنا العوني – لـ نصيحة لاس ؛*
نصيحه لـ بنات التحضيري :
أول شيء تجاهلي كل الكلام المُحبط والمُهدد لـ مسيرتك التحضيريه : (التحضيريه صعبه ، التحضيريه تعب ، التحضيريه لعب …وإلخ)
خذيها مني أنا : التحضيريه جدًا سهله وبإمكانك تجيبي المعدل كامل لكن شدي على نفسك شوي وحافظي ع الربع من درجاتك أنتِ اركضي ورا درجاتك احسبيها بنفسك ودوني كل درجه تكتب لك..
ثاني شيء احرصي على حضور محاضراتك كامله بالذات “الماث” لأن لو ضاع منك كلاس ضاع فهمك من البدايه ؛ لأن المحاضرات مرتبطه فبعض.. ما أقولك إن الماث صعب بالعكس زي اللي درسناه فأول ثانوي لكن بالانجليزي وترى جدًا سهل بما إنكم الدفعه اللي درست هالمواد بالانجليزي فلا تشيلوا همه .
مواد التحضيريه بشكل عام جدًا جدًا سهله بس ركزي مع التيتشر ودوني معها وشاركي هنا انا أضمن لك الفُل مارك .
مم وآخر شيء ابغى أقوله : هالسنه بالذات هي اللي تحدد لك مستقبلك (يعني نفسي كثير بنات ينظروا لها على إنها ثاني وثالث ثانوي.. كيف كنا نخاف على درجاتنا ونحسب معدلاتنا !!!) ايوه بالضبط ابغاكم كذا تنظروا لها مو تستهينوا بـ هالمادتين اللي حتدرسوها “)
وبس هذا اللي عندي للتحضيري وأعتذر ع الإطاله ويارب استفدتوا ()
نصيحتي للمستجدات فالتخصص :
لا تستهيني بأول أسبوع صح ممكن ما يكون فيه تحضير وتبغى تمددي إجازتك أو تسحبي مع صاحباتك !!
لكن نصيحه مني لك احرصي على اول كلاس لك فموادك التخصص لأن فأول كلاس حتتعرفي على التيتشر ونظامها وطريقةة توزيع درجاتها وحتى كمان على زميلاتك وعلى كثير أشياء.. وأحب أبشرك بس بتدون اسمك وتتعرفوا عليها ثم تخرجكم “)
يعني جديًا لا تفوتوا أول الكلاسات بغض النظر عن نهايةة الاسبوع غيبي إذا ودك لكن مهم جدًا أول الأيام.. ايي وكمان تعرفي على كليتك وأرقام الكلاسات يعني اعرفي إن هذا المربع مثلًا 400 إذًا اللي هناك 200 وهكذا.. اعرفي وين المصلى ووين الكافتيريا ووين شؤون كليتك ومكاتب التيتشرز والأهم الأهم تعرفي اسم مرشدتك ورقم مكتبها .
* هذا كل اللي عندي والله يوفق الجميع ()
رنا العوني
تجربة أحلام – لـ نصيحة لاس ؛*
كانت الجامعه رغبتي الاولى الحمدلله واختبرت تحديد مستوى وصرت ليفيل ٢ كنت بالانجلش مافهم ولاشي وكانت التيتشر تكلمني وتعيد وتعيد ولا افهمها وحاولت انزل ليفيل ون بس الحمدلله ما وافقو ومشيت وتعلمت ونجحت وصرت ليفل ثري وافهم التيتشرات واتكلم يعني مافي شي صعب ابدا والانجلش بالتحضيري مره حلو يطورونا من كل النواحي سبيلنق ورايتنق وليسنق وباقي المواد كنت شايله همها كيف راح ادرسها بالانجلش بس كنت اكتب كل شي مع التيتشر والاسئلة اترجمها وصارت مع الايام سهله لاني مركزه من البداية اهم شي تبدين من البداية ما تقولين بالاختبار بذاكر لانه مابتفهمين شي وكثير مايمديك تخلصينه اما من الناحية المشاريع والقروبات بتتعبين بالبداية لانك مو متعوده بس راح تغيرك وتطور من شخصيتك لاتقولين استحي وكيف بشرح كنت اول مشروع احذف كلمه واغلط و و …الخ والحين الحمدلله صرت اناقش الدكتوره بمشروعي اذا علقت او سالت اما الاشاعات كنت اكره الي يطلعون اشاعات وتنتشر و و كنت ما اصدق شي لحد اشوف بعيني لان كل يومين راح يطلعون اشاعه وبتتعبون اذا بتصدقون كلها خلو كل شي بوقته مو تسالون عن التخصصات وانتم توكم انقبلتو واخر نصيحه مني لكم اختاري تخصصك برغبتك مو رغبة صديقاتك او الي يمدحونه البنات لان بالنهايه كل واحد بيبدع برغبته وبتحبين دراستك والله يوفقكم ،،،
حساب انستقرام لكلية التصاميم والفنون ؛*
السلام عليكم ورحمة الله
كيفكم بنات ، ان شاء الله بخير
بمبادرة جميلة وفكرة مبتكرة من عضوتنا سارة الجليل طالبة بكلية التصاميم والفنون ، قامت بإنشاء حساب انستقرام
لشرح تطبيقات المناهج لطالبات السنة التأسيسية في الكلية
وتتمنى يكون هالحساب مرجع مفيد لكم وان شاء الله يكون فيه كل التجارب والخبرات الي تستفيدون منها وهنا كلامها ووجهة نظرها عن الحساب :
” – ابي البنات يرتاحون اكثر تكون واضحة كل مادة عن ايش تتكلم وايش المطلوب منها .. دخلت على عماي كنت اتمنى القا احد يقول لي هذي المادة تسوين فيها كذا وكذا .. ابيهم يقسمون جهدهم على هالمشاريع بالتساوي مايسوون غلطتي ويتعبون في البداية وعلى النهاية المعنويات كلها متحطمة 😦
– بنفس الوقت ممكن توفر لهم الوقت والجهد فمثلا استخدمت ٣او ٤ انواع لزاقات عشان اعرف الون بينما تبين لي انه نوع واحد فقط هو الي ينفع فممكن هالاشياء البسيطة تفرق كثير ”
وبكذا تكون سارة كملت كليتها بحساب اسك مع مساعدتها اثير وحساب انستقرام ❤
هنا عنوان حساب الاسك الخاص بكلية التصاميم والفنون :
http://ask.fm/cad_las
وهنا عنوان الانستقرام الخاص بكلية التصاميم والفنون :
@cad_las
من هالموضوع احب اشكر سارة على فكرتها وحماسها وجهدها الواضح المبذول الله يجزاها خير ، ولكل البنات الي عندها اي فكرة فيها فايدة للكل تكلمني عنها ونساعدها في انجازها ان شاء الله .
حصه الحسن *
Las Group 