تجربة أحلام – لـ نصيحة لاس ؛*

كانت الجامعه رغبتي الاولى الحمدلله واختبرت تحديد مستوى وصرت ليفيل ٢ كنت بالانجلش مافهم ولاشي وكانت التيتشر تكلمني وتعيد وتعيد ولا افهمها وحاولت انزل ليفيل ون بس الحمدلله ما وافقو ومشيت وتعلمت ونجحت وصرت ليفل ثري وافهم التيتشرات واتكلم يعني مافي شي صعب ابدا والانجلش بالتحضيري مره حلو يطورونا من كل النواحي سبيلنق ورايتنق وليسنق وباقي المواد كنت شايله همها كيف راح ادرسها بالانجلش بس كنت اكتب كل شي مع التيتشر والاسئلة اترجمها وصارت مع الايام سهله لاني مركزه من البداية اهم شي تبدين من البداية ما تقولين بالاختبار بذاكر لانه مابتفهمين شي وكثير مايمديك تخلصينه اما من الناحية المشاريع والقروبات بتتعبين بالبداية لانك مو متعوده بس راح تغيرك وتطور من شخصيتك لاتقولين استحي وكيف بشرح كنت اول مشروع احذف كلمه واغلط و و …الخ والحين الحمدلله صرت اناقش الدكتوره بمشروعي اذا علقت او سالت اما الاشاعات كنت اكره الي يطلعون اشاعات وتنتشر و و كنت ما اصدق شي لحد اشوف بعيني لان كل يومين راح يطلعون اشاعه وبتتعبون اذا بتصدقون كلها خلو كل شي بوقته مو تسالون عن التخصصات وانتم توكم انقبلتو واخر نصيحه مني لكم اختاري تخصصك برغبتك مو رغبة صديقاتك او الي يمدحونه البنات لان بالنهايه كل واحد بيبدع برغبته وبتحبين دراستك والله يوفقكم ،،،

الإعلان