ماهي خدمة الحذف والاضافة ومتى تستخدم ;*

بسم الله الرحمن الرحيم

السلام عليكم ورحمة الله وبركاته

اليوم بتكلم لكم عن فايدة الحذف والاضافه ووش هالخدمة اصلا ومتى نستفيد منها

خدمة الحذف والأضافه خدمة مرنة تسهل على الطالبة ترتيب جدولها على راحتها بدون الحاجة لأحد وتختصر الكثير من الوقت والجهد على الطالبة ومرشدتها .

طبعا لكل البنات بكل المستويات راح تنزل لكم جداول جاهزة تلقائيا لكن انتم لازم تتأكدون ان الجدول كامل مانقص مواد من خطتك وشرحت لكم قبل كيف تشوفون الخطة ومن وين وكيف تقرونها .

لكن البنت الي تكون قد حذفت مادة من مستوى سابق او اعتذرت عنها او تعثرت فيها او انحرمت فيها راح ينزل جدولها كامل بإستثناء هالمادة ولازم تدخل بنفسها وتضيفها لانها ماراح تنزل لك تلقائيا .

طيب فيه بنات مثلاً ماعجبها جدولها طلع كله مسائي وظروفها ماتسمح لها تداوم مسائي او العكس , او عندها بريكات طويلة مره وتبي تستفيد بهالوقت وتاخذ مواد , او تبي تكون مع زميلتها بنفس الشعبة , او طلع عندها اوف وهي ماتبيه او العكس , او صار عندها يوم مافيه غير مادة وحدة ويوم فيه بريك طويل وتبي تحط المادة في هالبريك ويصير اليوم اوف , وحالات كثيرره مالها نهاية نقول لكم كلكم ايه تقدرون تعدلون جداولكم بالحذف والاضافه بحيث ترتبين جدولك على الي يناسبك ويكون مريح لك .

طيب كيف نعدل بنزل لكم شرح الحين ارسلتهلنا العضوة لينا المالكي وان شاء الله يفيدكم وتعرفون تعدلون وتستريحون وتريحون ()

 

دقايق ان شاء الله وانزل الموضوع الثاني , بالتوفيق للجميع , الي تستفيد من مدونتنا تدعي لوالدينا في ظهر الغيب

والسلام عليكم ورحمة الله وبركاته

حصه الحسن ()

الإعلان