عشان تحافظين على معدلك او ترفعينه التزمي عزيزتي بهالنقاط:
🏼
-استعدي للاختبارات سواء كان ميد او فاينل قبل بوقت ابتعدي عن مذاكرة ليلة الاختبار حتى لو كويز لان كل درجه مهمه
-اذا جيتي تدرسين للاختبار اي اختبار حاولي تذاكرينه في مكان هادي ويفضل بعيد عن غرفتك الي تنامين فيها عشان ماتملين بسرعه وتقفلين جوالك لاتفتحينه الا للضروره
-اهتمي بواجباتك ومشاريعك واعتمدي على نفسك وابعدي ابعدي ابعدي عن انك تشترين بحوثك او تكلفين غيرك يسوي لك مشروعك لان يعتبر غش وحتى لو اخذتي درجه فكري فيها ماراح تفيدك هالدرجه باخرتك
-ابعدي عن الغش والتغشيش وحطي الله قدام عيونك واحتسبي الاجر بكل خطوه تسوينها
-خليك دايم مطلعه على موادك او الي يخص تخصصك خلي دائرة معلوماتك واسعه عشان تناقشين بالمحاضره وانتي واثقه من معلوماتك هالشي بيسعد اساتذتك كثير
-كوني واثقه من نفسك ومن اجابتك وشاركي دايم ، حتى لو مره شاركتي واجابتك غلط لاتزعلين بالعكس هذا شي جميل لانه يحسب لك مشاركه
-يفضل انك تقسمين وقتك وكمان تسوين لكل فصل دسم ومعلوماته كثير خريطه ذهنيه عشان يسهل عليك مراجعته ومذاكرته بالذات المواد الي تحتاج مذاكره اول باول
-اذا في اي نقطه مافهمتيها ارفعي ايدك واسألي حتى لو سؤال غيرك يشوفه سخيف وممكن يقولك من جدك مافهمتيه لاتهتمين اهم شي انتي تفهمين الفقره او السؤال لان هذي درجاتك وهذي معلومات تفيدك
-اكتبي اول باول مع الاستاذه النقاط الي تقولها وتذكرها لان ممكن تجي بالاختبار
-اذا جيتي تذاكرين يفضل تشرحين لنفسك عشان المعلومه تثبت
-المواد الي تحتاج حفظ هذي من البدايه تمسكينها لاتجين اخر الترم تمسكينها لان بتصعب عليك
-حبي الشي الي تدرسينه وبتبدعين فيه
“كل ما كانت اعمال السنه مرتفعه كل ماضمنتي معدلك باذن الله”
وبالتوفيق يارب
nouf alzurbatan..
Las Group 