مجموعة نصائح للمستجدات
-(١) ؛
لازم تهيئين نفسك للجامعه ،وانك بتشوفين بنات اشكال والالوان وشخصيات كثيره
🏼
-(٢) ؛
اول اسبوع معظم البنات ما يداومون فنصيحتي لك روحي اول يومين اكتشفي الجامعه شوفي وين كلاساتك وبأي محطه وبأي كليه ؛شوفي الكفتيريا بكليتك وين والمكتبه الي عندك بالكليه ، استكشفي المطاعم والمرافق والمكتبه المركزيه الموجوده بالجامعه
– (٣)؛
خلي ببالك انك رايحه الجامعه علشان الدراسه!
فلا تشغلين بالك بالكشخه المبالغ فيها والمكياج واللبس!
بنفس الوقت لا تروحين الجامعه وانتي شكلك مبهذل!
خليك معتدله كوني مرتبه ونظيفه هذا اهم شيء 
🏼
.
-(٤)؛
كوني واثقه من شكلك واسلوبك وشخصيتك!
لانك بتقابلين بنات شغلتهم بس التحطيم!
فضروري يكون لك شخصيه مستقله وثقه باسلوبك ورأيك لكن لاتكونين متصلبة الرأي وترفضين النقاش 
🏼️.
-(٥)؛
وهالحكي جداً مهم
كلام فاضي؟ وغيبه ونميمه وحش بفلانه وعلانه! (ذنوب ع الفاضي).
بتشوفين حركات اعجاب؟ (وتومبوي وخرابيط البنات) .
هذي كلها ارمميها ورا ظهرك
🏼!
وش الفايده انك رايحه تتعلمين و بتخربين اخلاقك!
وش فايده ثقتك بنفسك! وانتي تحشين وتغتابين !
خليك مميزه باخلاقك والكل يذكرك بالخير من استاذات وطالبات وموظفات وبتشوفين قد ايش بيذكرونك حتى لو ماتذكروا اسمك بيذكرون شكلك وبيفرحون بشوفتك🏼
️️
– (٦)؛
في الجامعه تكثر السرقات؟
سواء كتب او ملازم او فلوس حتي مكياج وعطور تنسرق
!
و الحل ان يكون عندك لوكر بالجامعه او خلي في بوكك فلوس على قد حاجتك بس.
وانتبهي للكتب وهالحاجات ولا تخلين شنطتك باي مكان🏼.
-(٧)؛
كوني اجتماعيه وبشوشه واذا تقدرين تساعدين غيرك ابدا لا تتردين.
ودائماً اختاري البنات الي اخلاقهم كويسه وحق دراسه علشان يأثرون فيك بشكل ايجابي ويعينونك على الخير “وبتلاقينهم كثير ان شااءلله بالجامعه”
-(٨)؛
الوقت:
جداً مهم الوقت بالجامعه مافي جرس يدق! مافي دكتوره تجي تقولك ادخلي المحاضره؟
لازم انتي تنبهين للوقت وتخافين ع مصلحتك وبعد ١٠دقايق تأخير يحسب لك تأخير وفي استاذات ممكن تحسب لك ساعة غياب وفي استاذات ممكن تعطيك الصبح لنص ساعه تأخير فلازم تحطين فيالك ان مو كل الاستاذات والدكتورات ممكن يتفهمون لان في الشين وفي الزين بكل مكان🏼.
-(٩)؛
النظافه
اهم نقطه انك تحافظين علي نظافتك .
لان الجو حار جدا ضروري تاخدين شاور يومي
وتستخدمي مزيلات التعرق.
وتحطي عطور خفيفه صباحيه
وتهتمي بنظافه اسنانك.
في بنات الله يهديهم من الصبح دهن عود
واذا ماتحبي تستخدمي عطور الصبح بكثره وكذا ممكن تشترين لك علبة زيت الاطفال من جونسون وتحطين فيه مسك ابيض سائل بكذا ترطبين جسمك وريحه حلوه وممكن تستغنين عن العطور اذا ماتحبينها في الصبح🏼
-(١٠)؛
الشوز
طبعا بالجامعه تمشي مسافات طويله وممكن تجلسي بالجامعه اكثر من 8 ساعات؟
وبعض الاحيان الوقت بين محاضره والثانيه يكون ١٠ دقايق (فلازم ركض ) لان ممكن على حظك تكون محاضرتك في محطه ثانيه والمترى معلق او زحمه 
المهم🏼️
اختاري شوز مريح مقفل لان المفتوح(يوصخ الرجل) .
والكعب(مو عملي ومتعب خصوصا لظهرك) 🏼
-(١١)؛
الشنط اكيد محتارين؟!
احس هالشي يعتمد عليك انتي وذوقك اكثر
ف اختاري شنطه وسط او كبيره او شنطه ظهر والشي الي يناسبك ، مب شرط تتكلفين في الشنط وترهقين نفسك عشان بس تكونين مع الموضه ، الاهم انتي وش يناسبك وترتاحين له وتقدرين تشترينه 🏼
.
-(١٢)؛
الشعر
غالبا بالصيف يفضل ترفعي شعرك
خصوصا لو شعرك طويل ابدا مو حلو تفرديه 
.
ممكن تعملي اشكال بالظفاير وممكن ترفعينه كله وفي تساريح وحركات للشعر جداً جميله وتناسب الجامعه 🏼
-(١٣)؛
الملابس تختلف من بنت لبنت وذوقها 🏼
يعني في حاجات انا ما افضلها للجامعه؟ غيري يشوفها عادي!
نصيحتي لك نوعي ستايلك مره سبورت ومره كاجوال ومره رسمي
عاد انتي وستايلك .
المسموح لك تلبسينه بالجامعه:
🏼
*التنانير :اسود او رمادي وتكونين طويله مافي موديل معين لكن اهم شي تكون طويله🏼
*التيشيرتات والقمصان: مافي لون محدد عادي اللون الي تبين تلبسينه تلبسينه بشرط ماتكون شفافه او الاكمام جداً قصيره🏼
ولا تتدهرين بالاسواق وتخمين كلش اشتري لك اشياء حق اول شهر عشان بعد تشوفين بنفسك وكذا🏼
•اخر نقطه وهالشي جدا ممهم اوضحه. .🏼
خليك قد ثقتك اهلك الي رسلوك للعلم.
وخلي دائماً ربي قدام عينك بكل تصرف وبكل فعل.
ولا تتحلطمين بالدراسه وتعبها بالعكس استمتعي بكل لحظه تمر عليك واحتسبي الاجر دائماً ، حلطمتك هذي ماراح تفيدك بالعكس الناس بتاخذ عنك صوره سيئه حتى لو مجموعه وافقت والاهم وين الاجر الي بتكسبينه بتعلمك اذا تحلطمتي؟!
والله يرزقكم بالصديقات الصالحات الي يساعدونكم ويعينوكم على فعل الخير 
️
nouf alzurbatan..
Las Group 