تجربتي للمستجدات

اهلاً بنات،رح أحكي لكم عن أهم الأشياء الي أحس كان ودي أحد ينبهني عليها

أول شيء السنة التحضيرية مو صعبة أبداً أبداً، هذي المواد الي بتاخذونها بكل الترمين(رياضيات-تربية صحية-مهارات)مع الانقلش بس مايدخل بالمعدل

-الرياضيات كان سهل وخفيف مره ولو كنتي علمي أو أدبي بيكون سهل عليك لو اجتهدتي وسألتي التيتشر عن الي مو واضح بالنسبه لك.بنات الأدبي لاتقولون صعب ومارح نجيب درجات كويسه،أنا أعرف بنات أدبي جابواA+والسبب انهم يحضرون الكلاسات ويركزون ويسألون لو مافهموا شيء.

-المهارات والتربية ركزوا يبغالها مذاكرة أول بأول لأنها شوي معلوماتها كثيرة خصوصاً التربية ونصيحتي لكم راجعوا الدروس أول بأول يعني بعد ماتاخذينه اقريه عشان يثبت ومارح تاخذ منك عشر دقايق لو انتي بالسيارة او الباص او تنتظرين افتحي الكتاب واقرأي الدرس.

-الانقلش زي ماقلت مو داخل بالمعدل بس رح يأثر على التخصيص.مهما كان المستوى حقك سواءً عالي او مو عالي احرصي انك تستفيدين من هالمادة لك وللتخصص مستقبلاً.التيتشرز اجنبيات وهذا شيء مرره كويس يعني كأنك مسجلة بدورة بمعهد.وشيء ثاني مهم ابغاكم تركزون عليه.صح ساعات الغياب بالانقلش كثيرة ويمكن تقولين بغيب وكذا وتوصلين لعدد معين من الساعات وبنهاية الترم رح تضطرين تداومين انتي والتيتشر لحالكم حتى لو خلصتوا المنهج لازم تداومين عشان ماينزلك حرمان فا انتبهوا لغياباتكم وصيروا ذكيات عشان نهاية الترم تغيبون على راحتكم.أوضح لكم قصدي أكثر،أنا كنت أداوم وأحرص اني احضر كل الكلاسات عشان مايفوتني شيء وعشان اخلي ساعات غيابي للاخير.بنهاية الترم غبت ثلاث اسابيع متواصلة وارتحت بالبيت عشان اذاكر لاختباراتي.وبنات كلاسي بعضهم داوموا لاخر لحظه لانهم كانوا يسحبون كثييير.

اخر شيء بقوله عن المواد والحضور.لاتشيلون هم يمكن ماتفهمون ايش يعني ساعاتي وكيف اعرف بس كل شيء رح يكون واضح لكم والتيتشرز بيكون متعاونات ويراعونكم ورح يعطونكم لكل مادة شيء اسمه توصيف هذا فيه مواعيد واوقات كل شيء سواً واجب كويز او غيره فا احرصوا يكون عندكم ولاتتجاهلونه.

كذا حكيت لكم عن المواد بس عندي نصايح لكم.

*ساعات غيابك احسبيها انتي بنفسك يعني كل ماغبتي اكتبي اليوم والمادة الي غبتي عنها.هذا الشيء رح يساعدك تنتبهين لحظورك.

*اسألوا اسألوا اسألوا عن أي شيء مو فاهمينه سواءً متعلق بالمادة او لو ماعرفتي مكان كلاسك او مكان مصلى عادي لاتستحين المكان جديد عليك وشيء طبيعي انك تسألين.وفيه الأمن متواجدين بكل مكان اسأليهم رح يساعدونك.

*بطاقتك الجامعية احرصي تكون معاك ولو كنتي تحبين تغيرين شنطتك كثير حاولي ماتغيرين بوكك لان ممكن تنسينها واذا نسيتها مارح يدخلونك الجامعة ورح ينحسب لك غياب وانتي جايه.

*عندك بريك تقريباً ساعتين سوي الي تبغين.جامعتنا فيها تقريباً كل شيء لجميع الاهتمامات.اذا كنتي تحبين الكتب فيه مكتبه واذا تحبين الرياضة فيه نادي واذا تحبين التطوع فيه اندية.أهم شيء استغلي وقت بشيء ممتع لك وفيه دورات يقدمونها متخصصين وتاخذون شهادات حضور وهذا شيء يفيدك مره.اسألوا عن الدورات ويعطونكم جدول فيه الوقت والمكان.وترا بوقت معرض الكتاب يسوون بالجامعة معرض كتاب بعد،لا تفوتونه مره حلو ويحضرونه كاتبات وفيه توقيع كتب بعد.

*بالكلاس اذا كنتي جايه لسى ماجت التيتشر حلو تسولفين مع الي جمبك وتكونين علاقات بسيطة.مب شرط تكونون صديقات مره بس يعني عشان تعرفين البنات وشخصياتهم لانك رح تشتغلين معاهم بالمشروع والبحث فا حلو تعرفين البنات ومين الي تهتم وحريصه عشان تختارينهم معاك بمجموعة الشغل.

*حاولي يكون معاك تقويم اسبوعي عشان تسجلين فيه الواجبات والاختبارات او لو كان فيه لقاء ودك تحضرينه او دورة او اي شيء.بتلاحظين وقتك تنظم وصرتي تعرفين كل شيء ومتى وقته بحيث تستعدين له بدري.

*اذا تعرفتي على وحده مو حريصه بالجامعه وتسحب كثير انتبهي لان ممكن تكون سبب انك انتي تسحبين كمان وهالشيء بيأثر عليك.

*اخر شيء نظمي وقتك بقد ماتقدرين حتى لو كان جدولك مسائي لا تحوسين نظام نومك وتنامين وتقومين عكس الناس لان صدقوني يأثر على النفسية بعد+ترا سهل تجيبون معدل٥من٥لو اجتهدتوا وشديتوا حليكم لان بالنهاية معدلك بيأثر على دخولك التخصص الي تبغينه واذا جبتي معدل٤ونص وفوق تنزل لك مكافأة تفوق الي هي٥٠٠.شعور مره حلو اذا نزلت لك تحسين انك انجزتي شيء تستحقين المكافأة عليه.ولا تنسون تتصدقون من مكافأتكم لو شيء بسيط

 قلت لكم تقريباً اهم الاشياء والله يوفقكم وينفع فيكم ويبارك بوقتكم